Mazkur nufuzli xalqaro festivalning yakuniy tadbirida O‘zbekiston davlat filarmoniyasi Xorazm viloyat bo‘linmasining ijodiy jamoasi munosib ishtirok etib, o‘zining yorqin va betakror chiqishlari bilan tomoshabinlar qalbidan chuqur joy oldi.

✅Milliy raqslarimizning nafisligi, Xorazm san’atining jozibasi hamda lazgining jo‘shqin ohanglari orqali jamoa yurtimizning boy madaniy merosini yana bir bor namoyish etdi. Ushbu festival nafaqat san’at bayrami, balki xalqlar o‘rtasidagi do‘stlik, madaniy hamkorlik va milliy qadriyatlarni ulug‘lashning yorqin ifodasi bo‘ldi.

🇺🇿O'zbekiston davlat filarmoniyasi Xorazm viloyat bo‘linmasi.👇

✅Bizni kuzatib boring.

Telegram | Instagram |

Facebook | YouTube |

Seminarda yurtimizning taniqli san’at arboblari, professor-o‘qituvchilar, olimlar hamda ijodkorlar ishtirok etib, o‘zlarining ilmiy va ijodiy ma’ruzalari bilan qatnashdilar. Tadbir davomida milliy raqs, musiqa va sahna san’atining tarixiy ildizlari, bugungi taraqqiyot bosqichi hamda kelajak istiqbollari yuzasidan fikr almashildi.

✅Jumladan, O’zbekiston xalq artisti, Professor Gavhar Matyaqubova tomonidan “Avestogohlari va lazgi raqs turkumining hamohangligi” mavzusida mazmunli ma’ruza taqdim etildi. Ma’ruzada qadimiy Avesto ohanglari bilan lazgi raqsining uyg‘unligi, ularning xalq ma’naviyati va milliy madaniyatdagi o‘rni chuqur tahlil qilindi. Shuningdek, milliy raqs san’atining tarixiy ildizlari, musiqiy ohanglar bilan uyg‘unligi hamda bugungi kunda yosh avlod tarbiyasidagi ahamiyati haqida muhim ilmiy fikrlar bildirildi.

✅Shuningdek, O’zbekistonda xizmat ko’rsatgan artist Dilnoza Artikova tomonidan “Lazgi va muhabbat qalb raqsi” baletining estetik hamda etnografik xususiyatlariga bag‘ishlangan ma’ruza tinglovchilarda katta qiziqish uyg‘otdi. Ma’ruzada lazgi san’atining inson qalbi, his-tuyg‘ulari va milliy qadriyatlarni ifodalashdagi o‘rni, uning sahna talqini hamda balet san’atidagi badiiy yechimlari haqida atroflicha so‘z yuritildi. Ayniqsa, lazgi raqsining o‘ziga xos harakatlari, sahna madaniyati va etnografik jihatlari keng yoritildi.

✅Mazkur xalqaro ilmiy seminar davomida milliy san’atimizni asrab-avaylash, uni zamonaviy talqinda rivojlantirish, xalqaro maydonda keng targ‘ib qilish hamda yosh avlodga yetkazish borasida muhim ilmiy va ijodiy fikr-mulohazalar bildirildi. Tadbir ishtirokchilarda katta taassurot qoldirib, milliy madaniyat va san’atimiz rivoji yo‘lida yangi ilmiy-amaliy hamkorliklarga zamin yaratdi.

🇺🇿O'zbekiston davlat filarmoniyasi Xorazm viloyat bo‘linmasi matbuot xizmati.👇

✅ Bizni kuzatib boring.

✅ Telegram ✅ Instagram

✅ Facebook 📹 YouTube

Rahbar va yoshlar uchrashuvi samimiy va mazmunli ruhda bo‘lib o‘tdi. Unda san’at va madaniyatni rivojlantirish, yosh ijodkorlarni qo‘llab-quvvatlash hamda ularning iste’dodini yuzaga chiqarish masalalari muhokama qilindi. O’zbekiston davlat filarmoniyasi Xorazm viloyat bo’linmasi bilan homkorlikda qilinadigan ishlar xaqida ham so’z yuritildi. Yoshlar o‘z taklif va g‘oyalari bilan faol ishtirok etib, kelgusida san’at sohasida yanada yuksak natijalarga erishishga ishonch bildirdilar.

✅Ochiq muloqot shaklida o‘tgan mazkur uchrashuvda yoshlar o‘zlarining takliflarini ham bildirishib, bu boradagi barcha savollariga javob olishdi.

🇺🇿O'zbekiston davlat filarmoniyasi Xorazm viloyat bo‘linmasi matbuot xizmati.👇

✅ Bizni kuzatib boring.

✅ Telegram ✅ Instagram

✅ Facebook 📹 YouTube

Joriy yilning 12-May kuni Xorazm viloyati Bog’ot tumanidagi 1-Sonli Umumiy o'rta ta'lim maktabida O'zbekiston davlat filarmoniyasi Xorazm viloyat bo'linmasi tomonidan o'tkazilgan lektoriy konsert dasturi o‘quvchilar uchun chinakam ma’naviy saboq bo‘ldi.

✅Tadbir davomida xonanda va sozandalar yoshlarga milliy cholg‘u asboblarining kelib chiqishi, ularning ijro usullari haqida batafsil ma’lumot berishdi. Shuningdek, jonli ijroda kuy va qo‘shiqlar yangradi, bu esa o‘quvchilarda milliy musiqa san’atiga bo‘lgan qiziqish va mehrni yanada kuchaytirdi.

🇺🇿O'zbekiston davlat filarmoniyasi Xorazm viloyat bo‘linmasi matbuot xizmati.👇

✅ Bizni kuzatib boring.

✅ Telegram ✅ Instagram

✅ Facebook 📹 YouTube