🇺🇿 Polapondan uchar qushga aylandik…

🇺🇿 Polapondan uchar qushga aylandik…

Bir zamonlar qanotimizni sinagan shamollar bugun bizni yuksaklarga chorlamoqda. Kecha armon bo‘lgan orzularimiz esa bugun birin-ketin haqiqatga aylanib, bizni yanada yuksak marralar sari yetaklamoqda.

35 yil… Bu shunchaki tarixning bir sahifasi emas. Bu o‘zligini anglagan xalqning uyg‘onishi, ozodlikning qadriga yetgan millatning parvozi, o‘z kelajagini o‘z qo‘llari bilan bunyod etayotgan Vatanimizning sharafli yo‘lidir.

Mustaqillik shunchaki erkinlik emas. U osmonimizdagi erkin parvoz, qalbimizdagi milliy g‘urur, ona tilimizdagi iftixor, qo‘limizdagi bunyodkorlik, farzandlarimiz nigohidagi umid va porloq kelajakdir.

Bugun biz kechagidan kuchliroqmiz. Chunki bu 35 yil bizga bir haqiqatni anglatdi: qanotimiz Vatan, kuchimiz xalq, ishonchimiz birlik, yo‘limiz esa buyuk kelajakdir.

Shunday ekan, bu parvozni asrash, bu zaminni obod qilish, bu bayroqni baland tutish har birimiz uchun nafaqat sharaf, balki muqaddas burchdir.

Zero, Vatan mustaqilligi avlodlarga beriladigan eng buyuk meros, uni asrash esa bizga yuklangan eng ulug‘ mas’uliyatdir.

Polapondan uchar qushga aylangan yurtimizning parvozi hech qachon to‘xtamasin!

Yurtimiz tinchligi abadiy bo‘lsin. Osmonimiz hamisha musaffo, xonadonlarimiz fayzli, qalblarimiz xotirjam bo‘lsin.

Bayrog‘imiz doimo baland, qanotimiz mustahkam, parvozimiz esa yanada yuksak bo‘lsin!

Mustaqilligimizning 35 yilligi muborak bo‘lsin!

Hurmat bilan,
Ozodbek Nazarbekov,
O‘zbekiston Respublikasi madaniyat vaziri

📲Telegram 📲Instagram