🇺🇿 Ona tilimiz – millatimiz qalbi va iftixori!

🇺🇿 Ona tilimiz – millatimiz qalbi va iftixori!

Aziz yurtdoşlar! Qadrli madaniyat va san’at ahli!
Barçangizni 21-oktyabr – Özbek tili bayrami kuni bilan çin qalbimdan tabriklayman!

Bu yilgi bayramimiz özgaça tarixiy voqea bilan yodda qolmoqda. Prezidentimiz Şavkat Mirziyoyev tomonidan lotin yozuviga asoslangan özbek alifbosini takomillaştirişga oid qonunning imzolanişi ona tilimiz taraqqiyoti yölida muhim qadam böldi.

Yozuvimizdagi uşbu yangilaniş tilimizning raqamli makondagi imkoniyatlarini kengaytiriş, yoş avlodning savodxonligini yuksaltiriş va yozma nutqimizni yanada qulaylaştirişga xizmat qilişiga işonaman.

Biz – madaniyat va san’at vakillari uçun ona tilining qadri özgaça.

Çunki şe’riyatimizning jozibasi, qöşiqlarimizning sehri, teatrimizning ta’sir kuçi, kino va adabiyotimizning ma’naviy boyligi, eng avvalo, ona tilimiz orqali namoyon böladi.

Buyuk Navoiydan bugungi ijodkorlargacha davom etayotgan adabiy merosimiz bizga bir haqiqatni eslatadi: tilni seviş – uni asraş, gözal sözlaş va kelajak avlodlarga boyitib yetkaziş demakdir.

İstagim, har bir san’at asarimizda ona tilimizning nafisligi, har bir ijodkorimizning nutqida uning sofligi, har bir farzandimiz qalbida esa unga bölgan mehr va iftixor yaqqol sezilib tursin.

Ona tilimiz doimo barhayot bölsin, millatimiz bilan birga yuksalsin!

Bayramingiz muborak bölsin, aziz yurtdoşlar!
 
Hurmat bilan,
Özbekiston Respublikasi madaniyat vaziri
Ozodbek Nazarbekov

✅ Telegram ✅ Instagram