⚡️ Rasmiy munosabat

⚡️ Rasmiy munosabat

Ijtimoiy tarmoqlarda xalqimizning sevimli so‘z ustasi Shukurillo Isroilov Madaniyat vaziri o‘rinbosari lavozimiga tayinlangani haqida xabarlar tarqalmoqda.

Mazkur xabar yuzasidan Madaniyat vazirligi quyidagilarni ma’lum qiladi.

Bugun, 21-avgust kuni madaniyat vaziri Ozodbek Nazarbekov Toshkent shahrida madaniyat va san’at sohasida amalga oshirilayotgan ishlar, sohadagi islohotlar ijrosi hamda kelgusidagi ustuvor vazifalar yuzasidan soha vakillari ishtirokida yig‘ilish o‘tkazdi.

Yig‘ilish doirasida tashkiliy masalalar ham ko‘rib chiqildi.

Unga ko‘ra, Baxromov Bekzod Baxrom o‘g‘li Toshkent shahar madaniyat boshqarmasi boshlig‘i lavozimiga tayinlandi.
Shuningdek, xalqimizning sevimli so‘z ustasi Isroilov Shukurillo Axmadkulovich Toshkent shahar madaniyat boshqarmasi boshlig‘i o‘rinbosari lavozimiga tayinlangan.

Shu munosabat bilan ijtimoiy tarmoqlarda tarqalayotgan "Shukurillo Isroilov Madaniyat vaziri o‘rinbosari bo‘ldi" mazmunidagi xabarlar haqiqatga to‘g‘ri kelmasligini ma’lum qilamiz.

Fuqarolar va ommaviy axborot vositalaridan rasmiy ma’lumotlarni Madaniyat vazirligining rasmiy axborot manbalari orqali kuzatib borishlarini so‘raymiz.

🔹Telegram 🔹Instagram